حزن عراقي

موضوع: حزن عراقي 2008-03-22, 1:06 am

يَل عُمري كِله حِزن مامَر عليه أفراح
ويضـل مَهموم لو فَرحه تجيلــه
يشوفوني أبتســم يگـولون مِرتاح
وأنــا الحسرات بِگليبي ثگيلــه
ماشِفت الگلب فــد يوم مِرتـاح
وأِذا يِــرتاح عِـلاته تجيلـــه
ماشِفت الهنــا ولا طعـمِ الفراح
وأِذا جـاني الفـرَح جاني بحيلـه
احايـل دنيتي ترجعـلي الـــراح
والراح كِلمه بَعيـده وحَچي ليـه
ذيچ الليالي دَمِع من عيوني لمَن طـاح
وشي رجع الدَمع لو طاح سيلــه
أنا اليوم الفَرَح وك جاني بِســلاح
وأنا سلاحي أحزاني بطيب هيلــه
يگولــون الحِزن سيــد الارواح
وأنا روحي خِطـيه تضل عِليـــله
العِله مِـن الصِغُر صارَتلي ذبــاح
وشي فُك العَليل الــبي سِليلــه
سَـلاني الوكت مِن عُمري مِصبـاح
وثاني مِصباحي روانــي سبيلــه
أِجيتك صَفي نيتَك يـالي مِرتــاح
وِتبـاوِع عـلى دمعي بـجِهيلـه
يَمتـه گلي توگَف ذيـچ الرمــاح
يـلِ رماحك صَوِبَنِ شگَد ثگيلـه
تَره ثِگيل الرُمُـح بِالخاصره لوطـاح
وأنا خِصـري رِچيچ بكـض دِليلـه
دِليلي طاح مِن خــاصِري وما طاح
ولـو طايح دِليلي ترجعــه ليلــه
ليلة فرح مَـرت عَـلي بِســـلاح
ستخطَتني وگالت مِــني عِيلـــه

موضوع: رد: حزن عراقي 2008-04-23, 2:43 pm

مشكور اخ عبدو
على مواضيعك الجميلة

موضوع: رد: حزن عراقي 2008-05-08, 5:17 pm

مشكورررررررررررررررررررر اخ عبدالله على القصيدة

موضوع: رد: حزن عراقي 2008-05-09, 11:11 pm

شكرا على الردود

» عراقي انا .. وافتخر ( ريـم قيـس كـبّة )